呃假紙反面教材第五式
醫生睇病其實由你第一刻入嚟間房嘅時候已經開始。即係我已經會上下咁打量你。
病樣大多數都有得睇。我都會頭痛頭暈肚痛肚痾Etc。唔好忘記我都會病，我都知真係病得辛苦係點樣。🤒
唔好化妝化到P圖高手，D 三層假眼睫毛就黎長到吉死我，帶對大眼仔大到就黎睇唔到眼白，著到好「行」咁過黎話你好病返唔到工。你如果痾到冇力痾到離唔開個馬桶，除非你琴晚去蒲冇換衫，或者你D P圖工具同衣櫃都係埋廁所🚽三合為一，唔係嘅話真係唔Convincing。唔係話你扮病，冇冇冇！我冇咁講過喎！但係真係唔Convincing囉。🙄